Hetagkaty K'osta | Iryston Internety | Narty kaddjitæ | Iron zæltæ nog! | ||
Iron k'ælindar | Iron fyng | Iron chinyg | Iron æg'dæuttæ | Uazdjity chinyg | Chaty k'amty galerej |
Iron fyng |
Tsæmæy bægæny skænay, uyy tyhhæy h'æuy
zad, zadæn ta - horz hor (ts'æmæltæy zad næ rauaydzæn): narthor, mænæu,
h'æbærhor. Mænæu æmæ h'æbærhory zadæy iumæ, narthor æmæ h'æbærhory
zadæy - iumæ. Mænæu æmæ h'æbærhor udayyn h'æuy iu sutkæ. Narthor ta -
dyuuæ sutkæyy. Kæd uazal ræstæg ua, uæd - h'arm dony, tævd ræstæg -
uazal dony. Donæy yæ sis æmæ yæ gollag kænæ særmagond sivyry nykkæn
æmæ yæ banord. Dyuuæ bony fæstæ zadmæ ærkæs, chysyl bilts' kuy radara,
uæd æy husmæ nykkæn tænæg. Kuy næma radara bilts', uæd ta yæ nog banord,
ægær tævd, kænæ bynton uazal kuyd næ ua, aftæ. Zadæn yæ bilts' darg'
uadzyn næ h'æuy, ssyn ta yæ h'æuy stavd. Syg'don skæn narthory ssadæy,
zadæy dær fækænynts, kænnod mankæk'urupayæ. Dzæbæh yæ asudz, bynton
syg'dæy fydad uydzæn, stæy zærdæ dær h'ygdary. Don adjy nykkæn, art yn
yæ byny bandzar, syg'don yl nykkæn, chysyl fæstædær ta - zad. Iu 2-3 sahaty
yæ bauadz, stæy yæ rafyts. Chysyl fytsægau kuy rakæna, uæd yn yæ art
rayhal æmæ bægænyyy ts'æh ærbaddzæn.
Æmæ yæ sis, yæ bæzdjyn (ts'æl) ta nyffærsudz chyrg'ædy hosyl kænæ
kættagæy. Tsas don dzy nykkodtay, uyyas dzy nal rauaydzæn, dæ tsury h'arm
don sævær æmæ yyn yæ ts'æl æræhs uytsy donæy, tsalynmæ ts'æl addjyn
ad kæna, uædmæ. Uyy fæstæ sæ adjy nykkæn æmæ rayday bægæny æhsidyn.
Biræ bægæny-iu kuy kodtoy, uæd-iu, ts'æl kæmæy ærænh'ævztoy, uymæy
kodtoy k'amattag, razdær nuazynmæ, bægæny kuy næma skuvay, uæd. Iu - ærtæ
sahaty fæfyts bægæny, stæy yyl huymællæg nykkæn, kuyd uarzys, aftæ. Iu
sahat ta yyl fehsid æmæ yæ fen huymællægæy, ærtykkag huyppæn kæd mastad
kæna, uæd horz u. Us yæ dzyhæy kuy uydta, uæd kalgæ kodta, oma, kuvinag u,
zæg'gæ. Zag'ta-iu: "Barst fæuæd".
Bægæny mænæu æmæ h'æbærhory zadæy addjyn næ væyyy, addjyn væyyy
narthory zadæy. Lægtæ yæ addjynæy næ uarzynts, sylgoymægtæ ta yyl
sækær fækænynts.
Bægæny kuy nyuuazal ua, uæd h'arm ænk'iæn nykkæn chysyl istæm,
sækærimæ kuy ænh'iza, uæd æy innæ bægænyyyl nykkæn, yæ byntæy
fæstæmæ.
Sutkæyy æmbis kuy fenh'iza, uæd æy rafæsudz æmæ ænæ tsyrvytæy
ænh'izdzæn. Sutkæ kuy fenh'iza, uæd tsættæ u. ænh'izgæyæ yæ tævd
ræstæg uazal ran æværyn h'æuy, uazal ræstæg ta h'arm ran.
Altsy tsæybærts h'æuy:
Æhsaez bedrayy tsy adjy tsæuy, uym dyuuæ kilogrammy syg'don.
Dyuuæ bedrayy tsy adjy tsæuy, uym dyuuæ kilogrammy syg'don.
Dyuuæ bedrayy zad narthor æmæ mænæuæy, kænæ narthor æmæ
h'æbærhoræy. Iugay bedratæ.
Huymællæg, kuyd uarzis, aftæ.
Ænh'izæn - iu æmæ ærdæg bastsymæn uidydjy dzag.
Kuydziaty Irinæ."Ræstdzinad" 18.10.00
|
Arazæg: Toma K'uylaty
Copyright © 1999-2008 |
|