Æмæ нæ Дæ хорзæх уæд.
— Оммен, Хуыцау!
— Тбау Уацилла, хор-фосы хицау дæ æмæ нæ дæ хорзæх уæд.
Фидæнмæ ноджы хуыздæр нывондтæ куыд æрхæссæм,
Уыцы ахъаз бакæн.
— Йе сызгъæринбазыр Уастырджи, Ахсæв де 'хсæв у, æмæ дын табу уæд!
— Ахсæв дын бирæ адæм дæ ном ардзысты, -Уыдонæй хуыздæрæн кæй куывд айстай, Нæ куывд дæр уый æмбал фæкæн.
— Уастырджи! Тыхгæнæгæй нæ бахиз.
— Уастырджи! Нæ цот, нæ кæстæртæ — де уазæг.
— Уастырджи! Нæ уазæг дæр де уазæг фод, Амондджын уазджытæ нæм цæуæд.
— Уастырджи! Нæ бæлццæттæ де уазæг, Сæ хæдзæрттыл æнæмаст, æнæфыдбылызæй, дзæбæхæй æмбæлæнт!
— Уастырджи! Маггуыр лæггеæн æххуысгæнæг дæ æмæ мах дæр дæ хорзæх уæд. Дæ фидæн бонтæ ныл хъæлдзæгдæрæй куыд æрцæуой, Уыцы арфæ нын ракæн.
— Оммен, Хуыцау!